kolontsaina

TSISY MIPIKA Horonantsary hampialana voly ny fianakaviana

kolontsaina
Alatsinainy 18 Septambra 2017

Miezaka ny mamerina hatrany ilay kolontsaina takariva amorom-patana hahafahan’ny fianakaviana mihaona sy mitafatafa ny tranom-pamokarana “Scoop Digital”.

Hivoaka anio alatsinainy indray mantsy ilay tantara vaovao novokarin’izy ireo mitondra ny lohateny hoe : “Tsisy mipika”, azo arahina isan’andro ao amin’ny fahitalavi-pirenena. Tantara mitohy fahefatra novokarin’izy ireo izy io ahitana fizarana miisa 250. Anisan’ny havoitra ao anatin’ny tantara ny firesahana ny fiarahamonina amin’ny fomba mahatsikaiky nefa mampieritreritra koa. Tsy latsan-danja amin’izay ny fivoizana ny kolontsaina Malagasy nefa hitarafana ny fivoaran’ny toetrandro ihany koa. Fihetseham-po maro no handravaka ny tantara, araka izany, toy ny hafaliana sy ny alahelo ateraky ny fitiavana vola sy harena nefa tsy nahitam-bahaolana…Mpanakanto sy mpilalao horonantsary efa manana ny maha izy azy avokoa no handray anjara ao izay marihina fa avy any amin’ny faritra avokoa ny 30 %. Toraka izany koa ireo valo mianadahy voafantina tamin’ny Casting farany teo notanterahin’izy ireo.

Pati