kolontsaina

TRUE DIRECTION LIFE Fahombiazana ny fampisehoana teny Antsahamanitra

kolontsaina
Talata 06 Jona 2017

Fahombiazana tanteraka ho an�ny tarika True Direction Life (TDL) ilay fampisehoana notontosaina tao Antsahamanitra nyalahadin�ny Pentekosta lasa teo.

Vao ny sabotsy dia efa nifampitadiavana ny tapakila, fampisehoana izay azo lazaina fa tena nampiakatra avo ny tarika tokoa. Saika nohirain’i Fanja nandritra ny fampisehoana avokoa ireo karazan-kira nahafantarana ny tarika hatramin’izay, toy ny tsy diso lalana. Anisan’ny vaovao be nefa tsy afaka am-bavan’ny maro sahady ihany koa ilay hira tsy hanan-java-mahory, lohatenin’ilay raki-kiran’izy ireo vaovao. Naharitra ora maromaro ny fampisehoana, izay saika nentina niderana sy nanomezam-boninahitra an’Andriamanitra avokoa. Feno hipoka Antsahamanitra, afa-po ny mpijery ary mbola vonona ny hanome ny tsara hatrany ny TDL. Nambaran’izy ireo fa tsy hijanona hatreo ny hetsika fa mbola hitohy hatrany ka hoheverina ny fandehanana any amin’ny faritra. Ho an’ny rakikira vaovao kosa dia efa manomboka miparitaka eny amin’ireo toeram-pivarotana maro isan-tsokajiny izy ireny nanomboka omaly.

Pati