kolontsaina

Troupe Jeannette Hiaka-tsehatra etsy amin’ny AFT Andavamamba rahampitso

kolontsaina
Sabotsy 04 Aogositra 2018

Hamerina indray ao am-pon’ny olona ny fitiavana ny tantara tsangana ny Troupe Jeannette amin’izao fiandohan’ny volana aogositra izao,

fiandohan’ny fotoam-pialantsasatra lehibe. Hiaka-tsehatra ao amin’ny AFT Andavamamba izy ireo rahampitso alahady 5 aogositra manomboka amin’ny 3 ora folakandro ka tantara tsangana Malagasy miisa telo nalaza tamin’ny taona 30 no hanomezan’izy ireo aina ny sehatra mandritra izany. Ankoatra izay, hisy ihany koa ny hira miisa 15 hanomezana aina ny lanonana, izay haharitra ora telo. Hampiavaka ity tantara an-tsehatra ity ny fisian’ilay tantaram-pitiavan-dRanarisisy sy Rahely izay tena mahaliana ny maro tokoa. Anisan’ny hahazoana anatra sy lesona amin’ny fiatrehana ny fiainana ihany koa ny fampisehoana tahaka izao, antony nanosika ny mpikarakara hisafidy ny troupe Jeannette manokana. Raha tsiahivina, tamin’ny taona 1929 no niorina voalohany ny troupe Jeannette. Ireo taranaka fahatelo no efa mitondra sy manome aina ny tarika ankehitriny.

Pati