kolontsaina

Tranoben’Imerina Manainga ny foko 22 hiady amin’ny covid-19

kolontsaina
Alarobia 03 Jona 2020

Teny Ankasomalaza Ambohimanga Rova misy ny foibe toerany, tamin’ny sabotsy 30 mey 2020 lasa teo, no niresadresahan’ireo mpikambana ao amin’ny Tranoben’Imerina notarihan’ny filohany,

ny Andriana Randrianatoandro Robert mpitahiry ny hasim-piandrianana Merina, tamin’ny mpanao gazety ka nanaovan’izy ireo antso avo amin’ireo Raiamandrenim-poko tsy an-kanavaka eo Madagasikara (Olobe,Tangalamena sns…), na ao anaty Vovonan’ny Foko 22 eto Madagasikara na tsia, noho izao zava-misy eto amin’ny firenena izao sy manerana an’izao tontolo izao eo amin’ny fihanaky ny tsimokaretina covid-19 mba samy handray andraikitra avy any amin’ny foko iadidian’izy ireo ka hampiasa ny fomba amam-panaon’izy ireo amin’nty ny hery hananany avy mba hisorahana ny loza aman’atambo mihatra ankehitriny ary hanamafy fa tsy ny areti-mandalo no hanamotika an’ity firenena ity. Ka manainga ny rehetra, noho izany, hanomboka amn’ity faha-21 jona ity ary ho tohizana iisaky ny faha-21 ny volana hitsahana hatramin’ny faha-21 desambra 2020 ho avy izao mba hiombom-bavaka isam-poko hiatrehana an’izany ady izany tahaka ny efa nanombohana azy hatramin’ny 21 martsa 2020 lasa teo. Manentana ihany koa ny zana-poko rehetra izahay, hoy ity Tranoben’Imerina ity : “araho tsar any tormarika navoakan’ny fanjakana repoblikana mitondra ankehitriny ma tsy handairan’ny fifindran’ity tsimokaretina ity tahaka ny eny anivon’ny renim-poko sasany ankehitriny any aminareo fa ianareo no hamatsy ny aty an-drenivohitra rehetra ara-tsakafo ao aoriana kely ao. Mikasika ny fikasana ny hanohizana ny firaisan-kina ara-drazana amin’ny alalan’ny fanatanterahana ny Taom-baovao iraisan’ny Malagasy tanterahina isaky ny volana septambra isan-taona. Rehefa dinihana ny ezaka ataon’ny fitondrana Repoblikana eto amin’ny firenena ankehitriny dia efa mihomana ny Vovonan’ny foko 22 eto Madagasikara amin’ny hanatanterahana any Mahajanga ny andiany faha-4 amin’io Taom-baovao iraisana io amin’ity taona ity.

Ntsoavina Evariste