kolontsaina

Tontolon’ny zavakanto Mifarana hatreo ny tarika Mahaleo

kolontsaina
Talata 05 Novambra 2019

Telo sisa ireo mpikambana ao amin’ny tarika Mahaleo ankehitriny. Taorian’ny nahalasanan-dRaoul, Nono, Fafah ary Dadah mantsy dia Bekoto sy Dama ary Charles sisa no tavela.

Nanambara i Bekoto omaly fa tsy misy intsony ny tarika Mahaleo. Tsy tarika intsony mantsy, hoy izy no ilazana anay telo mirahalahy akanga sisa nanamborana. Diso navesatra loatra ny fisarahana nisy teo amin’ireo mpikambana ao anatin’ny tarika tapa-bolana izao. Nomarihin’i Bekoto fa fijanonan’ny fo avokoa no nahafaty an’i Dadah sy Fafah. Mbola tsy nanakom-pery akory anefa ny ratra teo aloha dia tonga indray ny manaraka. Nanamarika i Bekoto fa hery lehibe ho azy ny fijoroan’ny mpankafy sy ny fanotrononany azy ireo ao anatin’izao fahoriana lalina lalovan’ny tarika izao. Etsy amin’ny lapan’ny kolontsaina sy ny fanatanjahantena Mahamasina no hovagiana sy andrasana ny razana rahampitso alarobia 06 novambra raha any Mandrosoa, Betafo no halevina ny alakamisy 07 novambra.

Pati

Legende : Izy telolahy sisa velona ao anatin’ny tarika Mahaleo ( Sary nindramina)