kolontsaina

Partagé sur :
• facebook

Toy ny niaina tanaty nofy ratsy ny mpisehatra eo amin’ny tontolon’ny sarimihetsika tao anatin’izay 5 volana nisian’ny fahamehana ara-pahasalamana izay, hoy ny mpamokatra sady mpilalao sarimihetsika, Sahoby Razafindrakoto.

Ny asa andavanandro no nijanona avy hatrany. Tsy misy azo natao satria tsy afaka nanao “tournage” izahay. Tsy maintsy anaty tranon’olona tsinona izany no atao. Tsy azo atao anefa ny mifanerasera. Ny dikan’izay nijanona ny fanodinana. Ny vokatra efa nisy dia tsy maintsy tsy navoaka na dia efa natao aza ny serasera nandaniana vola maro satria tsy mora ny serasera eto amintsika, hoy hatrany izy. Tokony namoaka sarimihetsika izahay ny 26 martsa saingy nanapa-kevitra ny fitondram-panjakana ny 19 martsa fa mihiboka ny isan-tokantrano. Tanaty fiatoana tekinika tanteraka ny mpanao sarimihetsika tao anatin’izay 5 volana izay. Tsy izahay mpamokatra ihany no ao fa misy tekinisianina sy ireo mpamolavola ny vokatra mialohan’ny hahatongavan’ny vokatra any amin’ny mpanjifa tsirairay ihany koa. Olona an’arivo ihany koa no miantehitra amin’ny sarimihetsika avoakanay isam-bolana satria miasa mamelona tokantrano koa ireo, hoy izy, nefa fatiantoka sy fahapotehana no nitranga. Tsy naharay fanampiana izahay na dia mamelona olona maro aza. Mitodika manokana amin’ny mpitondra aho hoe isan’ny mampita hafatra vetivety indrindra ny mpanao sarimihetsika ka na tsy hanampy anay amin’izao aza ny fanjakana dia afaka manome aza ho anay hahafahanay manao izay fampitan-kafatra izay, hoy hatrany izy.

J. Mirija

Tia Tanindrazana

Samia mijoro ho an'i Gasikara.