kolontsaina

Tontolo iainana sy kolontsaina Tsy afa-misaraka, hoy i Michel Le Dragon

kolontsaina
Alatsinainy 22 Oktobra 2018

Tsy afaka miresaka tontolo iainana isika raha tsy miresaka kolontsaina, hoy ny andrarezin’ny haiady malagasy, Maitre Michel Le Dragon. Tsy ny vahiny no mahalala sy miaina ny kolontsaina eto fa isika.

Vidiam-bola ankehitriny hatramin’ny manary maloto kanefa tsy voatery hanana 50 isak’izay poritra an-dalana daholo ny vahoaka rehetra. Tsy mahagaga, hoy izy, noho izany raha samy manary izay manery azy eny rehetra eny daholo ny olona. Toy izany koa ny lafiny finoana. Misy antony matoa misy olona manao hoe maraina izy miditra am-piangonana, antoandro mankany amin’ny sampy ary ny hariva mankany amin’ny mpisikidy. Toy izay koa, hoy hatrany ny tenany, no mahazo ny tontolo iainana eo amin’ny lafiny politika eto Madagasikara. Tsy milamina ny tontolo iainana amin’ny lafiny rehetra satria tsy ao ny kolontsaina izay tokony tsy ho afa-misaraka aminy. Hankalaza ny faha-50 taonany ato ho ato moa ny fikambanana Gakama na Gasy ka mahery izay tarihin’ity andrarezina ity ary havoitrany amin’ireo fampisehoana hataony io maha zava-dehibe ny kolontsaina io.

J. Mirija