kolontsaina

Tempo gaigy & 3 Isan-jato Hiray sehatra eny Ambohimangakely

kolontsaina
Zoma 30 Desambra 2022

Elaela tsy tazana sy heno ny tarika Tempo gaigy sy 3 Isan-jato ! Samy nanana ny lazany tany amin’ny taona 2000 ary mbola maro mpankafy mandraka ankehitriny. Nofinidin’ny Espace MG,

etsy Ambohimangakely By-Pass, hanafana ny lanonana ombana sakafo ho famaranana ny taona ary hitsenana ny taona vaovao 2023 ampifaliana sy anatin’ny haravoana, ny alin’ny 31 desambra ho avy izao, izy ireo. Haharitra adim-pamantaranandro 06 ny fiarahana amin’ireto tarika ireto, hoy Ramatoa Vola, mpikarakara. Samy ho vazoin’izy ireo eny an-toerana avokoa ireo sanganasa nahafantarana ny tarika Tempo Gaigy sy 3 Isan-jato. Ampahany amin’izany ny “Ramose tantanta”, “Hotsaroako foana” sy ny “Madama anie manjamanja”… Hisalotra ny kanto ary hianjaika ny meva, araka izany, ireo hiazo an’Ambohimangkely, ny alin’ny 31 desambra izao. Samy tsy hisy ho diso anjara tokoa.
Jean D.