kolontsaina

TEAM Safelika Hanao seho goavana etsy amin’ny ESCA Antanimena

kolontsaina
Zoma 25 Mey 2018

Hanatanteraka seho miavaka etsy amin’ny tokotany malalaky ny CC ESCA Antanimena ny team Safelika ny alahady 27 mey ho avy izao, tafiditra ao anatin’ny fankalazana ny fetin’ny reny.

Seho vaovao avokoa no hasehon’ireo mpandray anjara. Anisan’ny hahazo laka ny hatsikana eo amin’ny hira sy ny tantara an-tsehatra itarafana ny fiainana andavanandron’ireo ankohonana Malagasy. Efa am-bolana vitsy no nanomanan’ny Team Safelika ity fampisehoana ity. Tsy natao ho an’ny reny irery ihany fa ho an’ny ankohonana iray manontolo mihitsy. Ankoatra ny amboaram-boninkazo ho an’i Neny mantsy dia hahazo ny anjara tandrifiny ihany koa ny raim-pianakaviana rehetra. Ho an’ny kilonga madinika dia hifaly havanja miaraka amin’i Dingy sy Daingy izy ireo. Tafiditra ao anatin’ny hetsika ho fanohanana ireo tanora hiatrika JMJ Mada andiany fahasivy izay hatao any Mahajanga ihany koa moa ity hetsika ity. Tsiahivina fa anisan’ny hanafana ny lanonana ry Arion Joy sy Mr Saida. Haharitra ora dimy ny fampisehoana ka amin’ny 9 ora maraina dia efa hivoha ny vavahady. Hisy ny karazan-tsakafo sy tsakitsaky amin’ny vidiny mirary.

Pati