kolontsaina

Tarika Alalà avy any Angoulème Frantsa Hanao fitetezam-paritra eto Madagasikara

kolontsaina
Zoma 01 Desambra 2017

Nambara tamin’ny fomba ofisialy tetsy amin’ny Kudeta etsy Anosy omaly alarobia 29 novambra, ny hanatanterahan’ny tarika Alalà avy any Angoulème, ahitana mpikambana marolafy 5 (Madagasikara, Frantsa, Colombie, Guinée) ao anatiny, fitetezam-paritra eto Madagasikara na

“Madagascar tour 2017” hanomboka any Toliara amin’ny 2 desambra izao handalo ao Fianarantsoa ny 7 desambra 2017, ao Antsirabe ny 8 desambra ary hipaka eto Antananarivo amin’ny 13 desambra 2017. Tarika niforona tany Angoulème Frantsa tamin’ny taona 2013 ny Alalà ka mivohy ny mozika “Afro-folks” amin’ny ankapobeny. Ny mozika Malagasy misy tonony amin’ny teny Malagasy no ezahan-dry zareo hovoizina sy hampahafantarina mandritra izao fitetezam-paritra hataony izao. 3 mianadahy ry zareo no tonga hanatanteraka an’ity hetsika ity dia i Goul na Andriamihanta mpamoron-kira sy mpitendry gitara, i Alice Fearne sy Laurie Rakotomanga mpihira sady mively “percussions”.

Ntsoavina Evariste