kolontsaina

Taombaovan’Imerina 2020 Nangadihady ny kianja teny Anosimanjaka

kolontsaina
Talata 26 Mey 2020

Tontosa tamin’ny sabotsy faha-23 mey ny fanamarihana ny taombaovaon’Imerina 2020 ho an’ny Zanadranavalona Anosimanjaka. Araka ny toromariky ny filohan'ny fikambanana, tsy nisy ny hetsika firavoravoana an-kalamanjana hankalazana ny taona 445 teny Anosimanjaka .

Nangadihady ny kianja filanonana ho fanajana ny hamehana ara-pahasalamana ary tsy nisy ny famoriana ireo taranaka. Na izany aza, ho fanamarihana ny fiandohan'ny taona amin'ny fanisan-taona hatramin'ny andron-dRalambo izay arahin'ny fikambanana Zanadranavalona dia nisy ny fizarana Mofomamy (koban-dravina) ho solonkena mitam-pihavanana izay natao ivon'ny taombaovaon'Imerina. Marihana fa samy nanao ny fombafomba sy ny lanonana tsirairay avy isan-tokantrano kosa ny mpikambana sy ny tarana-dRanavalotsimitoviaminandriana.

Ntsoavina Evariste \