kolontsaina

Taom-bavao iraisan’ny Malagasy 2019 Efa nalefa any Toamasina ny tsangambaton’ny firaisam-pirenena

kolontsaina
Zoma 13 Septambra 2019

Notontosaina tamn’ny alarobia 11 septambra lasa teo tao anatin'ny miaka-bolana ny fangatahan-tsodrano sy fanasinana ny vato fehizoro hatsangana ao amin'ny renivohitr'i Toamasina izay handray ny

fankalazana ny Taom-baovao iraisan’ny Malagasy amin'ity taona ity. Niarahan'ireo solontenam-poko mandrafitra ny KMTM « Komity Mpanomana ny Taom-baovao iraisan'ny Malagasy » sy ny Malagasy Mampiray Firenena izany ary nitondran'ny solontenan'ny foko Betsimisaraka, ny Printsy Andriandrainarivo Josephin, ny vavaka sy ny tso-drano. Voahaja, araka izany, ny fomba malagasy dia ny fanombohan-draharaha amin'ny miaka-bolana. Niainga teny Ambohimalaza nakana azy, hihazo an'i Toamasina ny Tsangambaton'ny firaisam-pirenena ary ny 19 septambra kosa no hanomboka ny fankalazana ny Taom-baovao iraisana sy ny vovonamben'ny Raiamandieny ara-drazana ao amin'ny renivohitr’i Toamasina ary ny talata 22 septambra no ivon’ny fankalazana.

Manoloana ireo fanaratsiana eny amin’ny tambajotran-tserasera samihafa kosa, nanome fanazavana ny KMTM fa tsy vao izao akory no nandinihana ny fikarakarana, indrindra ny fotoana hanatanterahana ny fomba rehetra hanajana ny maha Gasy fa efa nilofosan’ny komity sy ny vovonamben’ny Raiamandreny ara-drazana ny hahatanteraka izany an-tsakany sy an-davany.

Ntsoavina Evariste