kolontsaina

Taom-baovao Malagasy tany Itasy Niavaka, nahasarika olona marobe tokoa

kolontsaina
Talata 09 Aprily 2019

Niavaka ny fankalazana ny taom-baovao Malagasy nokarakarain’ny fikambanana Fitohasina sy ny foiben’ny trano koltoraly Malagasy natao tany Miarinarivo sy Soavinandriana, Faritra Itasy ny faran’ny herinandro teo.

Nirehitra tao Amboniazy, rovan’Andriambahoaka afovoan-tany, ivon’i Madagasikara mantsy ny afo tsy maty ho an’ny taom-baovao taona 2019, ny alin’ny alakamisy 4 aprily lasa teo. Nahavory olona marobe tokoa izany, antony nilazan’ny mpikarakara fa efa manomboka miverina ao am-pon’ny Malagasy tsikelikely ny fitiavana ny fomba amam-panao toy ny taom-baovao Malagasy. Maro rahateo ireo olom-panjakana tonga nanome voninahitra ny lanonana, toy ny lehiben’ny distrikan’i Soavinandriana, ny solontenan’ny komitin’ny fampihavanana Malagasy….Notsiahivin’ireo solontenam-panjakana nandray fitenenana fa ny taom-baovao Malagasy no vavolombelon’ny fampihavanana sady fomba sy kolontsaina maha firenena ny firenena Malagasy noho izany tsy tokony hatao ambanin-javatra. Teny amin’ny kianjan’ny kanto Mahamasina no namaranana ny lanonana rehetra, hetsika izay kasain’ny trano koltoraly Malagasy hotohizana hatrany mba tsy ho adinon’ny taranaka amam-para.