kolontsaina

Tanora miatrika fiofanana arak’asa Notohanan’ny Aquamad sy Schneider Electric ara-pitaovana

kolontsaina
Sabotsy 12 Aogositra 2017

Ny tanora no tena ho avin’ny firenena iray ka mila fanohanana hoy Andry Ramaroson, anisan’ire tompon’andraikitra eo anivon’ny orinasa Schneider.

Mbola betsaka amin’izy ireny anefa hoy hatrany no misedra olana, indrindra fa ireo miatrika fiofanana arak’asa. Amin’ny ankapobeny mantsy dia tsy ampy ny fitaovana kirakirain’ny mpinatra eny anivon’ny sekoly hany ka mahatsiaro vaovao be izy ireny rehefa tena am-perin’asa. Mba ho fanohanana ara-pitaovana ireny sekoly manofana arak’asa ireny ary dia tonga nanolotra fitaovana mitentina 30 tapitrisa Ar ho an’ny EEFPS Condorcet etsy Faravohitra izy ireo omlay, notronin’ny tale jeneralin’ny orinasa Aquamad Romain Alcaraz. Antony nisafidianany ity sekoly ity raha araka ny fantatra ny efa fisian’ny fiaraha-miasa matotra nisy teo amin’ny roa tonta hatramin’izay. Tanjon’izy ireo ny hamoaka mpianatra matihanina sy efa zatra nikirakirana fitaovana manaraka ny fiovan’ny toetr’andro, tsy ho tompon-trano mihono amin’ny any ivelany.

Pati