kolontsaina

Sary hosodoko Mampahafantatra ny asa tanany etsy Andavamamba Raparivo

kolontsaina
Zoma 12 Jolay 2019

Mahatratra 2.400.000 Ar ny lafo indrindra amin’ireo sary hosodoko asa tanan-dRapanarivo haranty sy hamidy etsy amin’ny AFT Andavamamba nanomboka omaly.

1 tapitrisa Ar kosa no mora indrindra izay nomarihiny fa tsy voatery ireo mpanam-bola ihany no afaka manjifa izany. Efa azon’ny isan-tokantrano hatao mantsy, hoy izy ny mikaomandy sary tsotra amin’ireo karazana sary hosodoko hitany eny an-toerana mba hatao haingon-trano ka 15.000 Ar no manamboatra izany, miaraka amin’ny fametrahana sary tsara tarehy. Tafiditra ao anatin’ilay hetsika fampahafantarana ny asa tanan-dRaparivo manokana izany taorian’ny nahafatesan-drainy tamin’ny 07 novambra taona 2018. Mampiavaka ny asa tanany manokana ny fiangaliany ireo fiainana andavanandro ianan’ny isam-baravarana izay havoaka amin’ny alalan’ny kisary raha sary tanàna kosa no tena nahafantarana an-drainy. Ny 27 jolay ho avy izao moa vao hifarana ity varotra fampirantiana sary hosodoko tanterahin-dRaparivo etsy amin’ny AFT Andavamamba ity.

Pati