kolontsaina

Sarimihetsika Gisa Mainty 2018 Hanomezana lesona ny mpanao politika

kolontsaina
Alarobia 21 Martsa 2018

Sambany no hisy sarimihetsika hivoaka hanome lesona ny mpanao politika eto amintsika. “Gisa Mainty 2018” no anarana hampitondraina azy io, izay hiparitaka manerana ny Nosy manomboka ny 26 martsa ho avy izao,

novokarin’ny tranompamokarana Scoop digital. Ho hita ao anatin’io ihany koa ny lesona azo tsoahina hahafahan’ny tsirairay mibanjina ny hoaviny. Nomarihin’ny tale jeneralin’ny Scoop Digital Razafimandimby Mamitiana omaly fa tafiditra ao anatin’ny fanomanana ny fifidianana izao famoahan’izy ireo ny Gisa Mainty izao hisarihana ny olona hamantatra ireo olona tokony hitondra ny firenena mba tsy ho sanatria ho gisa mainty ka ho sahirana lava eto ny firenena. Sady hanabe ny olona, araka izany, ny Scoop digital no hanitsy ireo mpanao politika diso lalana ihany koa ho fitsinjovana ny hoavin’ny firenena. Miara-miasa akaiky amin’ny BIANCO izy ireo, hahafahana miady amin’ny kolikoly eto amintsika.

Pati