kolontsaina

Rovan’Ilafy Tsy namidy izany, hoy ny Ben’ny tanàna

kolontsaina
Alarobia 11 Aprily 2018

Nitondra fanazavana mikasika ilay resabe miely momba ny Rovan’Ilafy omaly ny ben’ny tanànan’Ankadikely Atoa Andriamanganoro Georges.

Nambarany fa tsy namidy ary tsy hamidy ny rovan’Ilafy raha mbola izy no tompon’andraikitra ao amin’io kaominina io satria na dia ny tenany aza dia hitsangana hitory izay olona manam-pikasana ny hanao izany. Fiaraha-miasa niaraka tamin’ny minisiteran’ny kolontsaina sy ny Sinoa, hoy izy, no namefena ilay tamboho mirefy 800 metatra manodidina ity rova iray ity, izay notsindriany mafy fa tsy misy tambiny. Vao tamin’ny herinandro teo no nanadio ny teny amin’ny manodidina ny kaominina ankoatra ny fandraisana andraikitra ataon’ireo mpiambina. Mikasika ireo razana tao an-tokotanin’olon-tsotra nividy tany teny akaikin’ny rova indray dia nomarihiny fa tsy misy hidiran’ny sinoa velively. Ireo olona nividy ny tany ireo ary manana taratasy ara-dalàna no nanao fangatahana taty amin’ny kaominina mba hanalana ireo razana teo an-tokotaniny ka nekenay. Mbola nisy ihany anefa ireo olona niezaka ny nitsoka kiririoka nanadala ny manodidina, antony nampirongatra ny fokonolona saingy nilamina ihany ny raharaha. Efa voafindra tamina toeran-kafa ihany koa ny razana.

Pati