kolontsaina

Rovan’Antananarivo Misy dikany avokoa ny singa rehetra ao

kolontsaina
Alakamisy 18 Jona 2020

Miha lalina hatrany ny fanambarana momba ny rovan’Antananarivo izay mbola tsy mety matin’ireo mpisehatra momba ny vakoka lolo efa ho 1 volana izao. Ny taranak’Andrianonitompononitany,

mpanjakan’Imerina atsimo na Vakinankaratra ankehitriny, indray no namoaka fanambarana fa miombom-po amam-panahy amin’ireo taranak’andriana merina enin-toko momba ny fiarovana sy fanomezan-kasina ireo vakoka rehetra naorin’Andriamanjaka tamin’ny fotoan’androny. Isany ny rovan’Antananarivo. Misy dikany sy heviny avokoa ny singa rehetra hatramin’ny endrika sy fitodik’io lapa io, raha ny fanazavana, na dia ny refiny sy haavony aza. Hatramin’ny akora nanorenana azy, eny ny volamena nanaovana ny satroboninahitry ny mpanjaka tao. Lavin’izy ireo, noho izany, ny fanorenana zavatra hafa ao na manala singa ao ihany koa satria tena fady izany, hoy ireto zanak’Andriana ireto. Aoka ny hetsika rehetra atao mba tsy hisy hampalahelo vahoaka fa feom-bahoaka feon’Andriamanitra, hoy hatrany izy ireo.

J. Mirija