kolontsaina

Rija Rasolondraibe sy ny Mission SOS Hanafana eny Alarobia mandritra ny 4 andro

kolontsaina
Talata 20 Jona 2017

« Famantarana sy fahagagana » no lohatenin’ny hetsika iarahan’ireo misionera miisa 300 avy amina firenena 25 sy ireo mpihira ara-pilazantsara vitsivitsy toa an-dry Rija

Rasolondraibe, hotronin’i Joseph D’af sy ny Antsa an’i Kristy manomboka rahampitso alarobia ka hatramin’ny alahady 25 jona izao etsy amin’ny kianjan’Alarobia. Toriteny sy fiderana an-kira no hita eny an-toerana mandritry ny 4 andro, hoy ny fanazavana, ary hisy ihany koa ny asa sosialy samihafa toy ny fizarana sakafo sy entana ilaina amin’ny andavanandro raha ankatoavin’ny ben’ny tanànan’Antananarivo. Ny hitory ny filazantsara sy hampahafantatra an’i Jesoa Kristy amin’ny olon-drehetra no tena tanjona, hoy ny mpikarakara ary ireto misionera ireto no ho vavolombelona.

Mirija