kolontsaina

Rija Ramanantoanina Hiavaka indrindra ny seho amin’ny alahady

kolontsaina
Alarobia 02 Mey 2018

Fotoana iray miavaka indrindra hatramin’izay 30 taona niantseharan’i Rija Ramanantoanina teo amin’ny tontolon’ny hira sy mozika izay no hitranga etsy amin’ny lapan’ny kolontsaina sy ny fanatanjahantena Mahamasina ny alahady 6 mey izao.

Sambany ny tenany no hiakatra ny lapan’i Mahamasina, raha ny nambarany, ary efa vonona avokoa ny lafiny teknika rehetra na ny jiro na ny fanamafisam-peo. Fotoan-dehibe hanambarana ny fisaorana an’Andriamanitra izay fanaoko isan-taona io, hoy i Rija, ary izay no anton’ilay antoko mpihira miisa 800 hiaraka hanotrona ny tena amin’io fotoana io. Hanakoako koa ireo hira mahazatra efa nitaizana ny mpakafy toy ny « Hay ve ka nisy », « Fiainana kely », « Iza moa » sy ry « Mama » ireny. Amin’ny alahady izao izany no fotoana.

J. Mirija