kolontsaina

Rah ckiky Nisy nikasa hamono

kolontsaina
Alatsinainy 02 Oktobra 2017

Raha somary natahorana ny ain’i Rah ckiky na Razafimamy Christian mpihira omaly maraina dia re omaly tolakandro fa efa mahatsiaro tena izy ary efa niteny.

Ao amin’ny hopitaliben’i Toamasina izy no tsaboina. Nisy nanafika sy nidaroka tao an-tokantranony izy omaly alahady fiandohan’ny volana oktobra tokony ho tamin'ny 3 ora maraina, ka voatsatoky ny sabatra in-telo ny tenany. Raha araka loharanom-baovao azo dia misy hifandraisana betsaka tamin’ilay hira noforoniny mitondra ny lohateny hoe : "Vonjeo Soamahamanina", izao fahavoazany izao. Nahazo fandrahonana mantsy ity mpanakanto iray ity nandritra ny herinandro maro mba hisintona io hira io na tsy hamoahany izany ho ren’ny vahoaka mihitsy ka rehefa tsy nanaiky na dia efa notambazana vola aza izy dia izao nisy nanafika sy namono izao, hoy ireo akaiky azy. Tsy nisy vola na zavatra nalain'ireo olona nanafika tao an-tranony na izany aza. Efa eo am-pelatanan’ny mpitandro ny filaminana ny raharaha.