kolontsaina

Partagé sur :
• facebook

Misy ny fifaninana mamorona tantara karakarain’ny Radio Fahazavana, onjam-peo ara-pilazantsara izay isan’ny anjara biriky hametrahana amin’ny tokony ho izy ny lentan’ny tantara an’onjam-peo.

 Ny Filohan’ny FJKM dia ny Mpitandrina Irako Andriamahazosoa Ammi mihitsy no nanana ny hetaheta hoe : maninona raha mamorona tantara ity radio ity, ka dia nalefa ny fifaninana ka 56 ny tantara voaray, izay mitsara ivelan’ny mpikarakara mihitsy no nitsara azy, dia Ranoë, Eric Ravalison, Saholy Rakotonanahary, izay sangany amin’ny tontolon’ny literatiora. Lohahevitra ilafihan’ny tantara ny « fampandrosoana ny rehetra sy ny olona manontolo », izany hoe ara-batana, ara-tsaina, ary indrindra ny ara-panahy, hoy ny Pr Dimby Rasoavinarivo Talen’ny Radio Fahazavana. Taorian’ny sivana sy ny fitsarana natao, dia tantara 6 no hifaninana farany, ka handeha ao amin’ny Radio Fahazavana manomboka ny 27 novambra-01 desambra, ka homena laharana 1 hatramin’ny 6 ireo tantara ireo, ary hisy ny fisafidianana izany amin’ny alalan’ny hafatra fohy na « sms » amin’ny finday, ka hanome naoty 1 ka hatramin’ny 5 ny mpihaino amin’ny alalan’ny laharana 034 30 898 86 ny mpihaino. Ny 14 desambra tolakandro no hampahafantarina amin’ny fomba ofisialy amin’ny CEMDLAC Analakely ireo telo voalohany, izay hisitraka lelavola sy havoaka boky ny asa sorany satria matetika levona sy takon’ny mpilalao ao anatin’ny tantara foana ny mpanoratra, hoy i Tsiky Rakotomavo mpandrindra ny fitsarana.

Toky R

Tia Tanindrazana

Samia mijoro ho an'i Gasikara.