kolontsaina

Ra Joce - Tarika Kiaka “Mamay be amin’izao ny fanaovana mozika amin’izao”

kolontsaina
Alakamisy 15 Aprily 2021

Mamay be izao ny fanaovana mozika eto Madagasikara, hoy ny mpanakanto, mpitendry gitara beso no sady mpamoron-kira

eo anivon’ny tarika Kiaka, Andrianiaina Jocelyn Ralambo na Ra Joce. Tarika mpiangaly Rock Malagasy tokony hankalaza ny faha 35 taonany tamin’ity taona ity ny tarika, hoy izy, saingy very fihinanana manoloana ny toe-draharaha ny mpanao mozika. Tsy afaka manao fampisehoana mihitsy izahay na dia efa nisy aza ny fanomanana sy tetiandro napetraka. Nihevitra izahay fa hisavasava ny taona 2021 eo amin’ity resaka COVID 19 ity saingy io iaraha-mahita io nefa. Foana ny drafitra noheritreretina rehetra. Tokony mba ho jeren’ny mpitondra ihany izay vahaolana satria be dia be ihany no mamelom-bady aman-janaka amin’izany mozika izany eto amintsika, hoy hatrany izy.

J. Mirija