kolontsaina

QUATUOR SQUAD Hiseho an-tsehatra etsy amin'ny AFT Andavamamba

kolontsaina
Sabotsy 19 Janoary 2019

Hampianoka ny mpankafy azy ireo ny hakanton’ny feon-dokanga etsy amin’ny AFT Andavamamba ny 25 janoary ho avy izao manomboka amin’ny 6 ora sy sasany ny tarika Quatuor Squad.

Raha tsiavihina kely dia tarika iray ahitana tovolahy miisa efatra havanana amin’ny fitendrena lokanga ny quatuor squad dia i Ravo Raboanarison mpitendry lokanga voalohany, i Andry Robison mpitendry ny lokanga faharoa ary Hervais Rabarison sy Kiady Rakotomalala izay samy manana ny maha izy azy avokoa. Anisan’ny hanohana akaiky ity fampisehoana ity ny consulat an’i Espagne izay miezaka hatrany mampiroborobo ny kolontsaina nentim-paharazana sy ny vahiny eto amintsika. Efa manomboka moa ny fivarotana ny tapakila etsy amin’ny alliance française Andavamamba hatramin’ny omaly, hanasana ny rehetra.

Pati