kolontsaina

Poezia Efa misy matihanina

kolontsaina
Talata 05 Septambra 2017

Anisan’ireo poeta mbola tanora Razakason Fidy, fantatra amin’ny anarana maha mpanakanto Fify Razakason.

Teo amin’ny faha-16 taonany no nitsiry ny fitiavany poezía ary efa 7 taona izao no nilalaovany ity taranja ity. Toy ny kabary dia kolontsaina efa miroborobo ihany koa ny tononkalo sy ny poezia, hoy izy, satria marobe ireo fikambanana izay mivoy izany amin’izao fotoana. Misy mihitsy ny matihanina amin’izy ity saingy tsy mbola mahavelona aloha eto amintsika fa ny fitiavana ny kanto sy ny fitiavan-tanindrazana manokana, no tena manosika ahy hiangaly azy. Lafo rahateo ny fanontana boky rehefa hamokatra sangan’asa. Amboaran-tononkalo roa no efa navoakan’ity poeta ity ka nampitondrainy ny lohateny hoe :« Sokoela » ilay farany teo.

J. Mirija