kolontsaina

Olombelo Ricky Hampiara-peo amina andriambavilanitra maromaro

kolontsaina
Talata 25 Jolay 2017

Toy ny fanaony isan-taona dia hotanterahina ny 27 jolay ho avy izao etsy Antsahamanitra ilay hetsika Malaza azy vita Baka, hiarahana amin’ny olombelo Ricky.

Hanomboka amin’ny 6 ora hariva ny lanonana, tohanan’ny Top Radio sy ny orinasam-pifandraisana Airtel akaiky. Ireo tanora no tena omena sehatra manokana, araka ny fanazavan’ireo mpanohana. Hanampy ny olombelo Ricky hanafana ny sehatra mandritra izany ny tarika “The Women” ahitana an’i Elsie, Manou, Grace Loren ary i Faniah. Toraka izany koa i Liva Andrianavalona izay efa elaela ihany tsy hita, hotronin’i Dina Voakaly, mpanakanto tsy zoviana amintsika intsony. Ho an’ireo tsy afaka amin’io dia mbola hisy ny fampisehoana hafa hiarahana amin’ireto mpanakanto ireto eny amin’ny Arena Center Ivandry ny 4 aogositra ho avy izao manomboka amin’ny 8 ora alina. Nambaran’ny tale jeneralin’ny Airtel Maixent Bekangba fa efa 25 taona ankehitriny no nisian’ny hetsika Manalaza azy vita baka, dingana iray hidiran’ireo mpianatry ny lisea ho any amin’ny tontolon’ny asa, antony tena nanosika azy ireo hanohana ny hetsika.