kolontsaina

Olombelo Ricky Hampanala azy ny efa zokiny

kolontsaina
Zoma 21 Jolay 2017

Miditra amin’ny andiany faha-25 amin’ny 27 jolay izao etsy Antsahamanitra ny hetsika Manala azy vita bacc niarahana tamin’ny mpanakanto Olombelo Ricky isaky ny vita fanadinana bakalorea tao anatin’ny 25 taona izao.

Maro ny tantaram-piainana efa nateraky ny hetsika, raha ny nambarany. Ohatra amin’izany, hoy izy, dia efa betsaka ny mariazy vokatr’ity hetsika ity satria maro ireo olon-droa mpifankatia izay tao anaty manala azy no nifanena, tao ny efa manambady aman-janaka ary tsy adino koa anefa ireo efa tsy dia tia miara-mihorakoraka amin’ny tanora eny Antsahamanitra intsony fa ilay mipetrapetraka no mba tiany. Hisy, araka izany, ny seho manokana atolotra ho azy ireny ny 4 aogositra izao etsy amin’ny Arena Ivandry.

J. Mirija