kolontsaina

Olombelo RICKY Hamerina ireo hira fahiny etsy amin’ny Plaza

kolontsaina
Zoma 20 Novambra 2020

Toy ny fanaony isan-taona dia tsy manadino ireo tanora vao avy niatrika ny

fanadinana Bakalorea ny Olombelo Ricky na dia mbola tsy afaka manao fampisehoana goavam-be toy ny mahazatra aza. Ao amin’ny Plaza Ampefiloha no hanatanterahany io seho io ny zoma 27 Novambra ho avy izao, manomboka amin’ny 07 ora sy sasany hariva. “Taratra Hazavana” izay efa ao anatin’ny hirany rahateo no lohan-teny nampitondraina ny fampisehoana. Hampiavaka ity fampisehoana ity ny hamerenan’ny Olombelo Ricky indray ao am-pon’ireo mpankafy azy rehetra ny hira nahafantarana azy hatramin’izay.Efa azo jifaina eny amin'ny Plaza Ampefiloha moa ny tapakila mifandraika amin’izany raha 30.000 Ar kosa ny vidim-pidirana.

Pati