kolontsaina

NJAKATIANA Mankalaza ny faha-25 taona niakarany an-tsehatra

kolontsaina
Alarobia 17 Mey 2017

Mankalaza ny faha-25 taona niakarany an-tsehatra i Njakatiana. Fampisehoana goavam-be hotanterahina eny amin�ny Coliseum Antsonjombe

no hanamarihany izany ny alahady 21 mey ho avy izao manomboka amin’ny 10 ora maraina hanasany ireo olon-drehetra efa nampiara-peo taminy hatramin’izay. Hampiavaka ny fampisehoana raha araka ny fanazavan’i Njakatiana tamin’ny mpanao gazety omaly ny hivetsoany ireo hira rehetra nanamarika azy tao anatin’izay 25 taona izay entina hanomezana fahafaham-po ny mpanjifa. Toraka izany koa ireo hira navoakany faramparany hotronin’ny fizarana maimaim-poana rakikira ara-pilazantsara sangan’asany navoakany hanampiana ny mpiara-belona sy hanomezam-boninahitra an’Andriamanitra. Mpanohana ofisialy ny hetsika ny Airtel Madagascar. Anisan’ny tanjon’izy ireo mantsy ny hampiakatra ny mpanakanto Malagasy fanta-daza toa an’i Njakatiana, indrindra ny fanomezany vahana ny hira Malagasy, ravahan’ireo karazana gadona maro samihafa. Ho avy hanotrona an’i Njakatiana mandritra izany Mr Sayda, Christian kely, Sarobidy, Meizah ary Ariane.

Pati