kolontsaina

Nantenaina Hihaona amin’ny mpankafy azy etsy amin’ny Telozoro

kolontsaina
Zoma 08 Jona 2018

Taorian’ny fitetezam-paritra nataony dia hihaona amin’ireo mpankafy azy eto an-drenivohitra indray ny tarika Nantenaina anio zoma hariva.

Etsy amin’ny Telozoro Andrefanambohijanahary no hanatanterahana ny lanonana manomboka amin’ny 9 ora alina. Raha ny fanazavan’i Nantenaina, tokana ihany ity fampisehoana hotontosainy eto an-drenivohitra ity. Hitohy any Ambatondrazaka sy Moramanga ny basesa tour hotanterahiny aorian’io. Tanjona ny hampahafantatra ity gadona iray ity sy ny tantarany amin’ny mpiara-belona hahafahana mamelona sy mamerina indray amin’ny laoniny ny kolontsaina Malagasy izay nambaran’i Nantenaina fa efa mitady ho very hasina mihitsy.10.000 Ar no fidirana ho an’ny tapakila tsotra, 15.000 Ar kosa ny famandrihan-toerana. Efa eo am-pikarakarana ny famoahana ireo hirany vaovao ihany koa ny tarika Nantenaina ankehitriny.

Pati