Naneho ny alahelony i Shyn

Tsy hisy ny «Makua Festival Music» amin’ity

kolontsaina
Talata 03 Jona 2025

Volana maro niandrasana ny fihaonana sy ny mety hazahoana ny «autorisation»

na alalana momba ity seho ara-kolontsaina «Makua Festival Music», andiany faharoa ity, hoy ny mpanakanto Shyn. Tsy noraisina izahay, hoy izy. Tsy nohenoina izahay. Ny tanjona dia tsotra. Hitondra ny anjara biriky amin’ny fampandrosoana ny tanàna hiombonana, ho an’ny tombotsoan’ny vahoaka no nanaovana azy ary hinoako fa nety taminareo vahoaka rehetra na ny mpiavy na ny tompon-tanàna. Tsy mora ny fanomanana sy ny vola ary hery ilaina amin’io hetsika io nefa noho ny fitiavana dia miezaka izahay. Maro ianareo no niandry ny daty sy ny rehetra. Eto izahay mpikarakara dia maneho ny fialan-tsiny aminareo mpiara-miasa rehetra fa tsy hisy ny «Makua Festival Music» noho ny tsy fahazoan-dalana. Hisaoranay anareo mpiara-miasa niandry ary tsy mamela anay irery, hoy hatrany i Shyn naneho ny alahelony satria dia tsy hisy aloha izany ity hetsika ity amin’ity.
J. Mirija