kolontsaina

Musical Marvel Competition Laharana faharoa i Betia

kolontsaina
Alakamisy 19 Mey 2022

Ilay teratany Malagasy Betia Harimalala Rakotomananjo no nahazo ny laharana faharoa tamin’ilay fifaninanana iraisampirenena eo amin’ny mozika « Musical Marvel Competition », andiany faharoa.

Time to live”, izay no lohantenin’ny hira nandraisany anjara namaranana ity andiany ity ary efa azo jerena ao amin’ny tranonkalam-pifandraisana Youtube moa izany. Tsiahivina hatrany fa niisa 1.800 ireo mpihira avy amin’ny firenen-tsamihafa nandray anjara tamin’izao fifaninanana izao hatrany am-piandohan’ity andiany faharoa ity. Resy lahatra tamin’ity malagasy ity ny maro an’isa tamin’ireo mpijery saingy tsy niantefa tany aminy kosa anefa ny safidin’ireo mpitsara. Mitohy ny mozika, hoy I Betia, ary hivoaka tsy ho ela ny rakikira vaovao mitondra ny lohanteny hoe “Sahy”. Ny taona 2016 no namoaka ny rakikirany voalohany ity mpanakanto ity, raha tsiahivina hatrany.
J. Mirija