kolontsaina

Mpankafy « Jazz Malagasy » Miha tanora hatrany

kolontsaina
Alakamisy 19 Aprily 2018

Ny faha 30 ny volana aprily izao moa no andro iraisam-pirenena ho an’ny fomba filalao mozika Jazz na ny « Jazz day », ary toy ny isan-taona dia isan’ny mandray anjara amin’izy io koa isika eto Madagasikara. Miha tanora hatrany ireo mpakafy, hoy ireo mpilalao.

Ny 25 aprily ka hatramin’ny 5 may izao moa dia hisy ny hetsika maro samihafa izay hanamarihana sahady ity fotoan-dehibe hanasongadinana ny fisian’ny loharanon-gadon-kira mainty hoditra ity. Fampisehoana, atrikasa ary ady hevitra an-trano mihidy mihitsy, dia samy hanenika eto Antananarivo amin’ireo fotoana ireo. Antanimena, Antsahamanitra, Faravohitra, hatrany Ampefiloha, hoy ny mpikarakara dia tsy maintsy handalovan’ireo gadona vokatr’ity fomba filalao mozika ity toy ny Gospel sy Free Jazz ary ny Jazz rock. Tsiahivina hatrany fa tanjon`ny mpikarakara ny hampiroborobo ny mozika Jazz, ny hisian`ny fifanakalozana eo amin`ny samy ``mpilalao``, ny hanatona akaiky kokoa ny mpankafy mozika.

J. Mirija