kolontsaina

Mpanendaka eto Antananarivo Nahavitan’ny MIP horonantsary vaovao

kolontsaina
Zoma 29 Jona 2018

Hivoaka manomboka anio zoma 29 jona etsy amin’ny Plaza Ampefiloha ilay horonantsary mitondra ny lohateny hoe : “Mpanendaka” novokarin’ny Madagascar Island Pictures ( MIP).

Ny fiainan’ny mponina eto an-drenivohitra amin’ny ankapobeny no horesahiny ao toy ny hamaroan’ireo mpanendaka etsy sy eroa izay tsy matahotra mamono olona intsony. Anisan’ny hoborahan’ity sarimihetsika ity koa ny fomba fiasan’ireo mpanendaka, ny fomba fisafidianany ireo toerana hanaovany asa ratsy …. Fa tena mampalahelo, hoy i Réné Fulgence dia ny fisian’ireo tanora Malagasy nahavita fianarana nefa tsy mahita asa, hany ka miroboka amin’ny asa fanendahana… mba hahafahany mamelona ireo vady aman-janany. Teto an-drenivohitra avokoa no nanodinana ny horonantsary ahitana ireo mpanakanto sy olo-malaza izay milalao sy manome aina azy. Hitohy amin’ny alahady fiandohan’ny volana jolay ho avy izao ny fandefasana azy ity ao amin’ny Plaza hahafahan’ny besinimaro mankafy azy sady hisintonana lesona amin’ny fiatrehana ny fiainana ihany koa.

Pati