kolontsaina

Mozika Rap Hiverina an-tsehatra i Big Jim Da

kolontsaina
Talata 22 Febroary 2022

Hiverina an-tsehatra indray etsy amin’ny No comment bar etsy Isoraka ny sabotsy izao ny mpanakanto mpiangaly ny mozika Rap, Big Jim Da.

Raha ny “Sedra”, “Jaolahy mpiarakandro”, “Omezaho numnao”, sy ny hafa rehetra no nanakoako teo anelanelan’ny taona 2000 sy 2010 teo dia iaraka hahatsiahy izany indray izany ireo mpankafy sy liana amin’ny vazon’ity mpanakanto ity amin’io sabotsy io. Raha Big Jim Dah no anarana nentiny teo aloha teo dia efa lasa Big Jim Da indray izany izy izao mba ho marik’izay ainga vaovao ho entin’ity mpanakanto ity manohy ny lalany izay. Ny taona 2018 no hita ho nanomboka izay endrika vaovao izay niaraka tamin’ilay rakitsary nitondra ny lohanteny hoe “Very jeans”. Inoana fa hisy tsiro tsy ampoizina hiavaka tamin’ny nahalalana ity mpanakanto ity hatramin’izay, araka izany, ho heno amin’io sabotsy io.
J. Mirija