kolontsaina

Mozika Betsaka no mirona amin`ny fampianarana hira

kolontsaina
Sabotsy 12 Mey 2018

Tao anatin`ny 16 taona nijoaroany, tena nahafantarana ny Cours de Clavier et de Chant Hery Andriantahina na CCHA ny fampianarana mitendry “clavier”, indrindra ny fitendrena any am-piangonana sy ny fitendrena hira ara-pilazantsara.

Namoaka ny andiany faha-26 ny sekoly omaly tetsy amin’ny LTC Ampefiloha ary miisa 20 izy ireo. Tsy vitan`ny mampianatra mitendry ny sekoly fa nivelatra amin`ny fampianarana mihira ihany koa. Mihabetsaka ireo toeram-pampianarana mihira raha ny fanazavan`ny tompon`andraikitra, Hery Andriatahina. Efa namoaka andiany roa ny sekoly, izay mifantoka kokoa amin`ny fampianarana mihira ao anatin`ny antoko mpihira na chorale. Nanamafy ny talen-tsekoly fa fanomezam-pahasoavana avy amin`Andriamanitra ny fahaiza-mitendry, izay zaraina amin`ny hafa ka rariny raha enti-midera amin`ilay Nahary ny talenta nomeny. Raha tsiahivina, efa miparitaka any Ambatolampy sy any Antsirabe ny sampan`ity sekoly ity amin`ny lalam-pirenena fahafito iny hatrany Antsirabe mba ho fanitarana sy fampiroboroboana ity fampianarana hira ity.

Marigny A.