kolontsaina

Miss et Mister île Madagascar Tafiditra ao anatin’ireo telo voalohany i Onintsoa Daniella

kolontsaina
Zoma 24 Novambra 2017

Tafiditra ao anatin’ireo telo voalohany mendrika indrindra hiatrika ny dingana famaranana amin’ilay hetsika Miss et Mister île Madagascar Rasoamanitrandrasana Onintsoa Daniella, ilay tovovavy kely avy eny Andoharanofotsy,

Atsimondrano. Hiatrika ny dingana famaranana izay hotontosaina ny sabotsy alina ho avy izao etsy amin’ny Live hotel ity tovovavy ambasadaoron’ny distrikan’Antananarivo Atsimondrano ity, aorian’ny fiofanana hatrehiny amina villa iray lehibe eny Ampitatafika. Misaotra sy mankasitraka ireo mpanohana azy ny tenany. Anisan’izany ny Ben’ny tanànan’Andoharanofotsy Ranirison Hasina izay tsy nanao ambanin-javatra ny tolo-tanana ho an’ny tanora Malagasy te hivoatra tahaka izao. Efa mandeha moa ny fifidianana amin’ny alalan’ny fandefasana Sms amin’ny alalan’ny finday amin’izao, raha toraka izany ihany koa ny pejy facebook. Tsara ny manamarika fa hihaona avy hatrany amin’ireo “miss mister Malagasy en France” any Frantsa izay tovovavy hibata ny laharana voalohany taona 2017 amin’ity hetsika “miss et mister ile Madagascar” ity.

Pati