kolontsaina

Misaona ny tontolon’ny sarimihetsika Nodimandry i Thomas Raoelijaona

kolontsaina
Alatsinainy 08 Jona 2020

Misaona ny tontolon’ny sarimihetsika Malagasy satria dia nodimandry ny marainan’ny sabotsy teo ny mpilalao sarimihetsika,

Thomas Raolijaona, fantatry ny rehetra amin’ny fiantso hoe Ratoma na Ingahindriana tao anatin’ireo sarimihetsika nahitana azy. Isan’ny nahitana azy ireo sarimihetsika nalaza toy ny “Malok’ila”. Tao anatin’ireo andian-tantara “Play boys” kosa no tena namantaran’ny maro azy. Ny anjara toerana somary masiatsiaka sy mpanefoefo nefa manao fihetsika mahatsikaiky matetika no tena nahitana azy matetika. Mirary fiononana ho an’ny fianakaviany sy ireo akaiky azy rehetra ny gazety Tia tanindrazana.

J. Mirija