kolontsaina

Manala azy vita bacc Ho hentitra ny fidirana

kolontsaina
Alakamisy 20 Septambra 2018

Hiditra amin’ny andiany faha-26 ankehitriny ny hetsika Manala azy vita bacc miaraka amin’ny mpanakanto Olombelo Ricky.

Efa mahazatra ny hoe aorian’ny fahavitan’ny fanadinam-panjakana bakalorea dia mifampitaona etsy Antsahamanitra indray ireo avy nanala bacc sy efa nanala izany fahiny mba hanala ny tsy fisiana atao rehefa aorian’ny fanadinam-panjakana n anio manomboka amin’ny 6 ora hariva. Mety hiavaka kosa, hoy ny mpikarakara, ny eo amin’ny lafiny ravaka sy ny vahiny satria eo ihany ny fivazoana ireo hiran’i Ricky taloha toy ny « Tara-pazavana » sy « Tsy mety milaza » fa hoventesina ihany koa ireo hira faramparany sy vaovao toa an-dry « Tamin’izay » sy « Antsapandrano » ary « Masoandro mody ». Hiantoka ny soradihy ny Kaompania Rary ary ho vahiny hampiavaka ny seho ry zalahy Angaroa. Mba hisorohana ny fifanosehana rehefa miditra eo am-bavahady dia nilaza ny mpikarakara fa ho hentitra ny fampidirana ireo mpanala azy ary hentanina izy ireo mba tonga dia hiditra ao anaty kianja fa tsy hijorojoro eny ivelany intsony na dia tsy miakatra aza ny mpanakanto andrasany.

J. Mirija