Mahay mihira sy manao mozika ny malagasy

Noraisina tamin’ny fomba makotrokotroka i Filamatra Matokia

kolontsaina
Talata 19 Novambra 2024

Noraisina tamin’ny fomba makotrokotroka teny amin’ny seranam-piaramanidina Ivato omaly i Filamatra Matokia

Randriamampionona, ilay zazavavy malagasy 11 taona, nofidian’ireo mpijery ny fifaninanan-kira iraisampirenena «Our génération» hahazo ny laharana voalohany. Ny hirany mitondra ny lohateny hoe «Iray» no nambabony ny vaton’ireo mpijery tamin’ity famaranana natao tany Rosia ity. Taranaka mpanao mozika rahateo moa ny zazavavy satria tsy zoviana amin’ireo mpankafy izany atao hoe mozika malagasy izany i Stan sy Nanah, izay ray aman-dreniny samy nandray anjara tamina fifaninanan-kira nokarakaraina fahitalavitra rahavavy tamin’ny fotoan’androny ihany koa. Maromaro ihany izay malagasy nibata amboara tamina fifaninanan-kira iraisampirenena izay ary mbola voaporofo hatrany ihany koa izany hatreto fa raha samy mbola eto ambonin’ny tany dia tena mahay mihira sy manao mozika izany malagasy izany.
J. Mirija