kolontsaina

Madagascar Orchestra Mikasa hanangana orikesitra goavana indrindra

kolontsaina
Zoma 30 Jolay 2021

Nampahanfantatra tetsy amin’ny hotely Carlton Anosy omaly ny fikambanana mpiangaly ny mozika klasika Malagasy, Madagascar Orchestra,

fa mikasa hanangana orikesitra goavana indrindra miangaly ity mozika ity eto Madagasikara izy ireo. Izay no tanjona goavana indrindra tianay ho tratrarina, hoy izy ireo. Ny oktobra 2019 no nitsangana ny fikambanana, raha ny fanazavana, ary tsikaritra ho olana hatreto ny tsy fahafaha-mivelatra loatra amin’ny zava-maneno ampiasaina izay lokanga ihany aloha amin’ny ankapobeny nefa tokony hisy hafa maro. Ho fanokafana ny taom-pilalaovana 2021 izay tokony ho notontosaina ny volana martsa teo moa dia ny 17 septambra indray no voatery hanatontosana izany ao amin’ity toerana ity noho ny ahamehana ara-pahasalamana. Hampiavaka ny hetsika ny fampiarahana ny mozika klasika sy ny tontolon’ny sakafo na “gastronomie”, hoy hatrany ny Madagascar Orchestra.
J. Mirija