kolontsaina

Lolo sy ny tariny, Rija R, Kiady Hampirevy ao Ambila Lemaitso

kolontsaina
Talata 29 Septambra 2020

Azo lazaina ho fanokafana ny fiverenan’ny fizahantany ao Ambila Lemaitso ny seho miavaka atolotr’ireo kalaza Malagasy amin’ny mozika akostika hatao ao an-toerana ny 23 ka hatramin’ny 25 oktobra izao.

Ny tarika Lolo sy ny tariny, Rija Ramanantoanina, Kiady no hiara-kisalahy ao anatin’izay 3 andro izay ary na ny lohatenin’ny fiarahana aza moa dia hoe “Diavolan-ko lava”. Miendrika afon-dasy goavana ny fampisehoana, hoy ny fanazavan’ny tomponandraikitra. Hampirevy ireo rehetra monina sy mandalo ao Ambila Lemaitso kosa no tanjona ho an’ireo mpanakanto hanamaivanana ny rarintsaina nentin’izay fihibohana lavareny izay.

J. Mirija