kolontsaina

Literatiora aty amin’ny ranomasimbe indianina Sangany ny Malagasy

kolontsaina
Alatsinainy 03 Desambra 2018

Isan-taona dia misy hatrany ny fifaninanana manoratra Angano, tononkalo, tantara foronina, sombin-tantara eto amin’ny faritry ny ranomasimbe indianina.

«Indianoceanie» no anarana isaloran’izany. Mpandray anjara mavitrika hatrany isika Malagasy ary nibata ny amboara «prix indianoceanie” i Madagasikara tamin’ity. Nozaraina tao amin’ny demeure Saint-Antoine, Maorisy, ny loka mitentina 1.000 euros ho an’i Fanja Andriamampandry, vady navelan’i Jean Pierre Haga. Ity farany izay nahazo ny loka avy any Antsirabe ary nodimandry ny volana septambra teo. “Le jumeau” no lohatenin’ny boky. Tantara foronina izy ity. Nikarakara ny fifaninanana moa ny komisionin’ny ranomasimbe indianina na COI ary nanohana kosa ny Blue sky, ny OIF na rafitra iraisampirenena misahana ny frankofonia ary ny departemantan’i La Réunion. Tonga nanatrika kosa ny tale jeneralin’ny Kolontsaina, Pilaza Joreh. Nisaoran’i Fanja koa ny dokotera Tsiky Rakotomavo tamin’ny lahateniny tamin’ny fikarakarana ny hahatongavany tany Maorisy. Ity farany moa izay mpahay literatiora nisolotena an’i Madagasikara nitsara ny fifaninanana.

J. Mirija