kolontsaina

Kopi kolé Andry Rajoelina Notoloran’i Naivo Raholdina 1 tapitrisa Ariary

kolontsaina
Alatsinainy 07 Novambra 2022

Noraisin'ny solombavambahoaka, Naivo Raholdina, mivady miaraka amin'ireo tomponandraikitra isan-tsokajiny eny amin'ny boriboritany fahadimy ny Kopi kolé Wada sy Yoongs,

izay mpandresy no sady nomena ny amboara “coup de coeur” na nampihetsi-po ny mpitsara sy ny mpijery tamin’ity lalao fandikana mitovy olo-malaza nokarakaraina fahitalavitra rahavavy iray ity ny sabotsy 5 novambra teo. Satria moa loka miisa 4 no nozaraina tamin'ny lalao dia notoloran'izy mivady ny loka fahadimy izay nomeny ny anarana hoe "Coup de foudre" an’ny boriboritany fahadimy ny talenta “Président Andry Rajoelina”. Hita, hoy izy, fa talenta isany tena niavaka izy satria raha vao niditra ny sehatra izy dia nitehaka sy nihora-pifaliana ny Coliseum iray manontolo teny Antsonjombe, izay ao anaty boriboritany fahadimy rahateo. Vola 1 tapitrisa Ariary, mitovy amin’ny lokan'ilay “coup de coeur” ihany koa no natolotr’ity solombavambahoaka ity azy ary mbola niampy mari-pankasitrahana ho azy 3 mirahalahy, mofo mamy, ary vola tsodrano ho an’ireo dika mitovy an’i Wada sy Yoongs, hoy hatrany ny fampitam-baovao voaray ny sabotsy teo.
J. Mirija