kolontsaina

Kopi Kole 2017 Norombahan’i Miora ny fandresena

kolontsaina
Alatsinainy 20 Novambra 2017

Nikatona tanteraka omaly alahady 19 novambra 2017 ny fifaninanana kopi kole nokarakarain’ny fahitalavitra TV Plus Madagasikara. Norombahan’i Miora, kopi kole Tahiry avy eto Antananarivo ny loka lehibe.

Fitsidihana an’i Budapest renivohitr’i Hongrie no loka lehibe azony ankoatra ny fanomezana maro samihafa toy ny fikojakojana fiara, fahafahana manohy fianarana, miampy fanomezana hafa avy amin’ireo mpiara-miombon’antoka sy mpanohana ny fandaharana izay nitovian’ireo mpifaninana 20 mianadahy tafiakatra tamin’ny dingana famaranana natao omaly teny amin’ny Coliseum Antsonjombe. Nahazo ny Découverte Madagasikara 2017 kosa i Tsilira, ilay mpanakanto avy any ambanivohitr’i Toliara. Azony ny fitsidihana an’i Paris renivohitr’i Frantsa. Mbola avy any Toliara ihany no nahazo ny Coup de Cœur 2017 dia i Fredo. I Jacky Randria avy any Antsirabe no voahosotra ho Découverte 2017. Izy mirahalahy ireo moa dia samy nahazo tapakilam-piaramanidina ka hitsidika an’i Bangkok renivohitr’i Thailande. Tsy misy kopi kole amin’ny herintaona satria hiatrika fifidianana ny firenena ka tsy hanembantsembana izany izahay, hoy ny filoha tale jeneralin’ny TV Plus Nicolas Rabemananjara.

RTT