kolontsaina

Kolontsaina sy soatoavina Malagasy Namoaka mpikabary an-jatony ny Katolika

kolontsaina
Alatsinainy 28 Aogositra 2017

Miezaka ny manandratra ny kolontsaina Malagasy hatrany ny Eglizy Katolika.

Namoaka mpianatra mpikabary miisa 653 mianadahy indray izy ireo ny sabotsy teo, 10 ka hatramin’ny 75 taona notarihin’ny filoha nasionaliny Rakotomalala Réné. Tetsy amin’ny kianja mitafon’i Mahamasina no nanatanterahana ny lanonana misalotra ny anarana andiany indray mihira: “Masindahy Josefa”. Nianatra nandritra ny sivy volana izy ireo. Afaka misedra avy hatrany ny tontolon’ny asa momba ny kabary rehetra, eny fa na dia ireo ankizy madinika aza. Mampiavaka azy ireo ny fahaizany mampiaraka ny taninketsan-tsoatoavina sy ny fivavahana Kristianina, hoy Rakotomalala Réné. Anisan’ny tanjony koa ny hampita amin’ny tsirairay ny kolontsaina Malagasy sy ny fanabeazana mba hahatonga ny rehetra eny anivon’ny fiarahamonina ho olom-banona. Tanjon’ny fikambanana ny hanitatra azy ity any Mahajanga, Fianarantsoa amin’ity taona 2017 ity. Efa ahitana azy ireo kosa ny amin’ny diosezin’Antsirabe, Miarinarivo.

Pati