kolontsaina

Kolontsaina an-tanàn-dehibe Hatao fandaharana amin’ny onjam-peo ny “Riman’Art B”

kolontsaina
Zoma 22 Febroary 2019

Fandaharana ara-kolontsaina vaovao mandeha ao amin’ny onjam-peo MBS Radio 95.4FM sy ny Radio Mada 100.8FM ny « Riman’Art B » hanasongadinana ny kolontsaina an-tànan-dehibe, toy ny Rap, R&B, Roots, Reggae,....

Handraisana vahiny sy hampahafantarana mpanakanto vao misondrotra izy io. Hanomezana vahana ihany koa ny tanora vao misandratra amin’ny kolontsaina tahaka ireo mpisehatra amin’ny asa soratra. Misy zana-pandaharana hihainoana ny hira, vaovao samihafa tahaka ny hetsika hatao. Isaky ny sabotsy takariva amin’ny 5 ora izy io no handeha ao amin’ny MBS Radio, ary isaky ny alarobia amin’ny 2 ora tolakandro ny famerenana. Ho an’ny Radio Mada kosa dia isaky ny sabotsy amin’ny 6ora hariva ary miverina isaky ny alarobia amin’ny 3 ora tolakandro. Manolotra sy manentana ny fandaharana “Riman’Art B” i Harjah sy Psico, izay tanora anisan’ny mivoy sy milomano ao anatin’ny kolontsaina an-tanàn-dehibe.

Toky R