kolontsaina

Jacques Rabemananjara Hampahafantarina ny sanganasany

kolontsaina
Sabotsy 01 Septambra 2018

Mba hahafahan’ny taranaka faramandimby mahafantatra an’i Jacques Rabemananjara mpitolona mafana fo sy anisan’ny mpamorona ny antoko MDRM dia hampahafantarina mandritra ny andro maromaro ao Toamasina ny fiainany sy ireo boky nosoratany.

Ny talata 4 septambra ho avy izao no hatomboka ao amin’ny Librairie Fakra-Joffre Toamasina izany. Hikarakara ny hetsika Rtoa Dominique Ranaivoson, mpampianatra any amin’ny anjerimanontolo any Lorraine Frantsa izay marihina manokana fa nanoratra ny boky mirakitra ny fiainan’ity olomangam-pirenena ity. Manohana azy akaiky ireo manampahaizana avy atsy Afrika Atsimo, Côte d’Ivoire, Gabon, Alemana, Frantsa, Belzika, Hongrie, Angletera…hahafahana mamelona indray ny anaran’ny olo-malaza tahaka itony izay marihina fa sady mpanao politika ihany koa. Arahin-dRtoa Dominique Ranaivoson fanaovan-tsonia momba ny politikan’i Jacques Rabemananjara sy ny poezia nosoratany izay tsiahivina fa mbola arahina dinika marobe toy ny hatao ao amin’ny Alliance Française Toamasina. Fitsangantsanganana no hamaranana ny hetsika amim-pomba ofisialy. Hisy ihany koa moa ny dinika mandritra ny roa andro hatao ao amin’ny oniversiten’i Barikadimy Toamasina.

Pati