kolontsaina

Iray volan’ny teny Malagasy Olona 50 no nandray anjara tamin’ny fifaninanana kabary

kolontsaina
Zoma 07 Jona 2019

Hankalazaina amin’ity volana jona ity ny iray volan’ny teny Malagasy. Tsy diso anjara amin’izany ny fikambanana Ny Andraina izay miezaka manome lanja ny soatoavina Malagasy eto amintsika.

Fifaninanana mikabary izay nandraisan’ireo olona 50 isa manerana ny faritra Antehiroka no nentin’izy ireo nanamarihana izany ny alarobia teo hifarana ny 13 jolay ho avy izao. Ankoatra ireo dia ankizy miisa efatra ihany koa no nandray anjara teo ambany fiahian’Atoa Todisoa Andriamampandry, kandida solombavambahoaka tao anatin’ny boriborintany fahenina. Tanjon’ny fikambanana ny hamohazana indray ny teny Malagasy ao am-pon’ny tsirairay manoloana ny firoboroboan’ny teknolojia ankehitriny. Tsiahivina fa ny mponin’Antehiroka ihany hatreto no mikabary vao maraina rehefa misy maty ao an-tanàna, antony manosika ny fikambanana Ny Andraina hanome lanja hatrany ny soatoavina Malagasy. Mpitsara efatra no hitsara ny fifaninanana. Anisan’ny jerena ny fomba fitafy, ny tsanganana, ny teny fanolorana sy ny teny famaranana ary ny vontoatiny.

Pati