kolontsaina

IFM sy ny SAR’NAO Hanofana ny mpaka sary

kolontsaina
Alatsinainy 28 Aogositra 2017

Vonona ny hitondra fampandrosoana eo amin’ny sehatry sary pika eto amintsika Atoa Fidy Ramanahadray,

tompon’andraikitra voalohany eo anivon’ny Sar’nao sy ny “Institut Français de Madagascar” etsy Analakely. Nihaona tamin’ireo mpaka sary mivantana izy ny faran’ny herinandro teo nanazava ny momba ilay tetikasa fotografika izay tsy mitovy amin’ny fomba fakana sary tsotra intsony fa ilana soratra sy fikarakarana manokana mihitsy. Fivoarana efa hampiasain’ireo mpaka sary manerana izao tontolo izao izany ka tsy tokony ho tompon-trano mihono intsony isika mpaka sary eto Madagasikara, hoy izy. Hanome fiofanana mpaka sary momba io tetikasa io izy ireo izay efa tafiditra sahady ao anatin’ny fankalazana ny iray volan’ny sary homarihina ny volana novambra ho avy io. Hanomboka ny 6 ka hatramin’ny 10 novambra ho avy izao ny fiofanana etsy amin’ny IFM Anosy, mitondra ny anarana hoe : Tsiry. Antsoina ho avy handray anjara ao avokoa ny mpaka sary Malagasy rehetra. Anisan’ny fepetra takiana manokana amin’ny tsirairay kosa ny fahaizana mifehy ny tenim-pirenena vahiny Frantsay.

Pati